Shillong, Ïaïong 29
Uwei u tranformer uba don ha ka shnong Bishnupur, Lumshatsngi u la bthei bad kem ding kynsan. Kane ka la jia ha ka por 10 baje mynstep jong ka 29 tarik u Ïaïong.
Mar ïoh jingtip halor kane ka jingjia, na ka liang ki bor pynïaid shnong ki la ai jingtip mar-mar sha ki bor ba dei peit ka Meghalaya Energy Corporation Limited (MeECL) ban leh ïa kaba donkam. Kumta ruh na ka liang ki bor ba dei khmih ki la wan poi mar-mar sha kane ka jaka ban pynlip bad tem ïa ka ding ïoh ka pur sha kiwei bynta. Ha kane ka jingjia ym shym la don satia kano-kano ka jingjia kaba sngewsih.
