Nongstoiñ, Ïaïong 30
U Deputy Commissioner (DC) jong ka West Khasi Hills District u la pyntip ba u Director jong ka tnat Social Welfare ka jylla u la wer bad khot ïa ki nongpang kiba la ngop ha ki jingdih buaid ba ka Sorkar Jylla kan ai ka jingïarap kyrshan pisa kaba T.32,000 ïa ki longïing kiba duk kiba hap hapoh ki Below Poverty Line (BPL) ban phah sumar bad ban ïasyllok shabar ka Jylla na ka bynta lai bnai kynthih.
Ha ka kyrwoh khubor ba la phah da u Deputy Commissioner u la ong ruh ban ïoh ïa kane ka jingïarap pisa na ka Sorkar, ki nongpang ki dei ban phah ïa ki aplikeshon sha ka shlem treikam District Social Welfare Officer kaba la soi bad shon muhor da u Medical Superintendent jong ka hospital Sorkar ne District Medical and Health Officer.
Nangta, u la pyntip ruh ba ka Original Certificate ne syrnod na u Block Development Officer (BDO) ban pynshisha ïa ka kyrteng ka jaka shong jaka sah bad ïa ki jingtip ba kham bniah lah ban ïoh na ka shlem treikam jong ka tnat Social Welfare.
