Shillong, Jymmang:
Ka Toyota Kirloskar Motor Pvt. Ltd. (TKM) ka la pyllait paidbah ïa ka jingshakri ba la tip kum ka “T GLOSS,” kaba long ka sienjam treikam ban pynbha bad pynitynnad ïa ka kali, bad kane ka long ka sienjam ba nyngkong ban rung sha kane ka kam. Da ka jingaiti lut jong ka ban buh shwa ïa ki nongthied ha khmat, ka jingthmu jong ka TKM ka long ban pynbha shuh shuh ïa ka karkhana kaba peit ha ka liang jong ki kam kiba ïadei bad ka jingpynbha bad jingpynitynnad ïa ka kali ïa kaba la shna bad saiñdur kyrpang na ka bynta ki kali Toyota.
Naduh ka 1 tarik U Jymmang, 2024, “T GLOSS” baroh ki jaka die kali Toyota ha India kin don ïa kane ka jingshakri. Kane ka ailad ïa ki nongthied ba kin ïoh ïa ki lad ki lynti kiba bha bad ba biang tam ha kaba ïadei bad ka jingsumar ïa ki kali bad ka jingpynbha ïa ki ïa kaba yn leh ha ka rukom kaba bha tam. Hapoh jong ka “T GLOSS” brand, ka TKM kan wanrah ïa shibun ki lad ai jingshakri ïa kaba la shna kyrpang na ka bytna ban nang pynitynnad shuh shuh ïa ki kali, naduh napoh haduh habar. Kane kan kynthup naduh ka jingsop da ka Ceremic ne Ceramic Coating, ka jingsop ïa ka jingbynta ba shapoh, ka jingsop ïa u Silencer bad ka jingïada ïa ka panel ba hapoh. Ka jingthmu jong kine ki jingpynbha ym tang ba ka long na ka bynta ban pynitynnad ïa ka kali hynrei ka wanrah ka jingïada na ki bor mariang.
Shuh shuh, ka “T GLOSS” ka wanrah ruh ïa ki jingtyrwa ha ki lad ai jingshakri na ka bynta ban pynkhuid ïa ka bynta ba hapoh jong ka kali bad ban pynitynnad ïa ka bynta ba shabar jong ka kali, naduh ka jingpynkhuid ïa ki thliew ba mih ka lyer haba than AC bad ïa ki jaka ba mih ka jynhaw, khnang ba ki nongshong ki sngewtynnad ban shong. U Sabari Manohar, Vice President of Sales-Service-Used Car Business ha Toyota Kirloskar Motor, u la pynpaw ïa ka jingsngewkmen ban leh ïa kane ka sienjam treikam, da kaba ban jur ba ka sienjam treikam ka TKM ka long ban buh shwa ïa ki nongthied ha khmat.
Ka sienjam treikam ka “T GLOSS” ka ïahap bad ka sienjam treikam ba ha khmat eh jong ka TKM bad kata ka long Quality, Durability, bad Reliability (QDR) ne jingbha, ka jingneh bad ka jingshaniah, kaba don ha ka ïa ka jingtyrwa na ka byta ki trai kali jong ka Toyota ba kin ïoh ïa ki lad ki lynti kiba bha ha kaba ïadei bad ka jingsumar bad jingpynbha ïa ka kali khnang ba ka kali kan neh sah ka jingitynnad. Da ka jingphai khmat ha kaba ïadei bad ka jingpynwandur ïa ki kali katkum ka jingkwah jong ki briew, “T GLOSS” ka thmu ban pynbiang ïa ka jingkwa jong bun ki nongthied, da kaba buh ïa ki nongtrei kiba tbit bad pyndonkam da ki tiar ki tar kiba bha khnang ba kin neh slem.
