Shillong, Jymmang 08
Ki bahaïing hasem jong u Bah Kerlang Sohtun ki la leit ban ujor da ka ejahar halor ka jingbym wanphai ïing jong u naduh ka 5 tarik Jymmang, 2024 hadien ba u la mih na ïing.
Katkum ka jingbatai jong ki bahaïing, u Bah Kerlang u dei uba dum ka snieh doh bad don ïa u shñiuh ba rong ïong bad uba don ka jingjrong kumba 5 phut ei ei. Ha ka por ba u mih na ïing u phong da ka patlun rong jyrngam, ka sopti kaba don bad ka tupia bad ki juti ‘sneakers’ kiba khleh ïong bad byrthuh.
U Bah Kerlang uba la don 47 snem ka rta u dei u khun jong i Kong Medency Sohtun bad u Bah Monroe Rina ba shong ba sah ha Kenche’s Trace Lumshatsngi, Shillong bad la ong ba la ïohi khatduh ïa u ha Last Stop, Laban.
Ha kaba ïadei bad kane na ka liang ka ïing ka sem u Bah Kerlang ki la kyrpad ïa ki pulit bad ïa ki paidbah ba kin ïarap lem ban wad ïa u bad lada don kiba ïohi, kin sngewbha ban phone ha 9485444982, 9774762558 bad 9362762588.
