Shillong, Jymmang 08
Ha ka Sngi Balang, la lap ïa uwei u kuli ba jrong 13 inshi u bym pat bthei ba pyndonkam ha ka tup (Tank) jong ki shipai (Military) na ka shnong Mawlynrei, Nonglum, Shillong.
Ha ka kyrwoh khubor ba la pyllait da u Superin-tendent of Police (SP) ka East Khasi Hills u la ong ba ïa une u kuli ka tup ba jrong 13 inshi bad don ka jingheh 12 inshi ha ka jingpyllun, la lap ha ka por katba nang tih nongrim ïing da ki misteri ha katei ka shnong.
Kane ka jaka kaba la lap ïa utei u kuli, ka dei ka jaka jong ki riewshimet. Na ka liang jong ki pulit ka East Khasi Hills ki la leit ban shimti noh ïa utei u kuli bad ïa uba la buh ha ka jaka kaba biang ha kaba na ka liang jong ki pulit ka Bomb Detection & Disposal Squad mynta ki dang pynlong ka jingeksamin bniah.
Ha kaba ïadei bad kane, ka jingtohkit ki pulit ka la ïaid shakhmat ban tip ïa ka jaka ne ka tynrai jong une u kuli.
