Shillong, Jymmang 09
Ka tnat Transport jong ka Sorkar Meghalaya ka la pynmih ïa ka jingpynbna (notification) ha kaba la shah ïa ki trok ban ïaid lyngba ka jingkieng dieng kaba don ha ka shnong Jadi.
Ha kane ka jingpynbna ba la pynmih, la ong ba la shah ïa baroh ki trok kiba ïaid lyngba ka jingkieng dieng kaba la tlor kaba don ha ka shnong Jadi ban ïaid lyngba hynrei la shah pat ba ka jingkit khia ka dei ban long tang hapoh ka 9 metric ton.
Kane ka jingpyntip na ka liang ka tnat Transport ka long ruh kum shi bynta ban kiar na ka khyllem ne hap jong kane ka jingkieng ba don ha katei ka shnong. Kane ka jingpynbna kan treikam mardor naduh ba la pynmih ïa ka.
