Hyderabad, Jymmang 09
U Dr. Pemmasani Chandra Sekhar u dei u kyrtong MP ba riewspah tam ha India ha kaba u la pynbna ba ka pisa tyngka bad ki jingdon-jingem jong u ka la kot haduh T. 5,785 klur.
U Dr. Pemmasani u dei u kyrtong na ka seng Telugu Desam Party (TDP) ha Andhra Pradesh bad u ïakhun na Guntur Lok Sabha konstitwensi. Ka seng TDP ba la ïalam da u Chandrababu Naidu, ka ïateh lok bad ka BJP ha kane ka ilekshon.
Utei u kyrtong u la pyndep ïa ka jingpule na Osmania Medical College, bad u la trei ha Johns Hopkins University – Sinai Hospital ha America na ka bynta san snem. Hadien ba u la wanphai sha India, u la pynleit jingmut ha ka kam hikai bad ki kam lajong ha shwa ba un rai ban rung sha ka jylli jong ka saiñpyrthei.
