Shillong, Jymmang:
Ha ka National Meet jong ka NIFAA National Integrated Forum of Atrist and Activists kaba la long ha Delhi ha ka 4 tarik bad ka 5 tarik, Jymmang, ki arngut ki samla Khasi ki la ïoh jingithuh bad ka khusnam ha kaba ïadei bad ka kam shakri paidbah lane ka Social Service bad Culture ha INS Secretariat Delhi.
Kine ki samla ki dei ba la tip kyrteng kum u Pondermost Khongliam na Pynursla bad u samla Gordon Roberts Shadap na Mawlai. Ha ka jingïalang kaba ar sngi ïa kane ka seng la ïoh ruh ïa ka jingithuh na ka President jong ka ri ka Draupadi Murmu halor ki kam shakri paidbah bad kiwei kiwei ki kam leh isynei bad ki jingtrei mon sngew-bha jong ka ha ka imlang-sahlang ha ka ri hi baroh kawei kaba la lamkhmat da u Chairman ka seng u Preetpal Singh Pannu Haryana, National General Secretary barim u Harish Sharma Karnataka, Convener Advocate Naresh Barana, President Dr. Ashwini Shetty Karnataka bad u General Secretary Brahma Sarup Delhi.v
