Nongpoh, Jymmang 13
Ki pulit ka Ri Bhoi District ki la kem noh ïa uwei u briew ba suba donkti ban pynïap dusmon ïa u Bah Kyrmen Lyngdoh Nonglait, ba la 38 snem ha ka janmiet jong ka Sngi Saitjaiñ, ka 11 tarik u Jymmang ha lynti shnong jong ka Erpakon.
Ïa utei u suba runar uba la kem noh da ki pulit, la tip kyrteng kum u Raju Rajbhar (42 snem) uba dei na ka thaiñ Sonapur, Assam bad uba trei bylla ha kawei ka Dhaba ne dukan bam kaba don ha katei hi ka shnong. Une u briew u dei ujuh ba ki bahaïing hasem ki don ïa ka jingsuba donkti ban pynïap ïa u Bah Kyrmen Lyngdoh Nonglait.
Shuh shuh la ïoh jingtip, ka daw jong katei jingjia ka dei na ka jingshoh khawiang bad utei u Raju Rajbhar u la tied da ka lyntang na ki bynta jong ka shkor jong utei u rangbah kat haduh ba un da phlei snam jur bad khlad noh mar ïa poi ha Civil Hospital, Nongpoh.
