Bhubaneswar, Jymmang 14
Ïa ka Times Higher Education Young University Rankings la dep ban pynbna ha ka Sngi Ba-ar. Haba phai sha ka jingkynjoh jong ka ha ka liang ka pule-puthi, ka Kalinga Institute of Industrial Technology (KITT) ka la kiew sha ka kyrdan ba 11 hapoh India ha ka Times Higher Education Young University Ranking na bynta u snem 2024.
Kane ka pyni ïa ka jingnang leh bha jong ka KIIT bad ka jingminot jong ka ban nang kiew shaphrang ha ki jingpule ba shajrong.
Ka KIIT, kaba dang 20 snem, ka la kham paw ban ïa kiba bun kiwei pat ki shlem ai jinghikai barim ba kynthup ïa katto-katne ki IIT. Kane ka jingseisoh ka long kaba kongsan da kaba buh jingmut ïa ki samla pule haba ïanujor bad kiwei pat kiba la long ki rishot shlem ai jinghikai kiba la kumba 50 snem.
Ha u snem ba la dep, ka KIIT ka la wan hapdeng ka kyrdan 151-200 ha kylleng ka pyrthei. Ka kyrdan ka KIIT ka la kiew ha baroh kawei ka pyrthei sha ka 168 mynta u snem. Na ki 673 tylli ki skulbah ha kylleng ka pyrthei kiba la khmih bniah mynta u snem, 55 tylli ki dei na India, ha kawei ka liang kaba la buh ïa ka KIIT ha ka kyrdan kaba hakhmat eh napdeng ki skulbah kiba dang shen.
Ki nonghikai, samla pule bad nongtrei ha KIIT bad KISS ki la pynpaw ka jingsngewnguh ïa u nongseng, u Dr. Achyuta Samanta. Ka jingïohi jngai jong u kum u nongïalam bad ka jingminot ka long ka bynta ba kongsan ha ka jingkiew jong ka KIIT.
U Dr. Samanta haba kren halor kane ka bynta, u la ong “Kane ka jingïoh kyrdan ka dei ka ïitkhmih jong ka jingtrei shitom jong ngi ban kyntiew ïa ka pule-puthi. Ha KIIT, ngi long la kloi ban pynbiang ïa ka jingpule kaba paka tam bad ban pynkhreh ïa ki samla pule jong ngi ban long nongïalam ha ka pyrthei.”
Na ka liang jong u, u la ai khublei ruh ïa baroh ki nonghikai, nongtrei bad samla pule halor ka jingkynjoh ïa une u mawmer.
