Jowai, Jymmang 15
Ka ïingbishar District Session Judge jong ka West Jaiñtia Hills ka la rai pynrem da kaba set patok 10 snem bad daiñ kuna ïa u Herman Shylla halor ka jingdonkti ha ka kam pynïap briew.
Ïa ka hukum rai pynrem ïa u Herman Shylla, ka ïingbishar ka la pynmih ha ka 8 tarik Jymmang 2024 da kaba set patok 10 snem bad pynjlan ruh sa 2 bnai ryngkat ka daiñ kuna T.3 lak ban siew sha ki bahaïing jong u lanot.
Katkum ka khubor na u Superintendent of Police jong ka West Jaiñtia Hills la ong ba u Herman Shylla u dei uba donkti ban pynïap ïa u Lang Pale kaba la jia ha ka 17 tarik Rymphang, 2008. Ïa ka mukotkuma la pynrung ha thanat Jowai katkum ka No. 19(2)2008 U/S 302/34 IPC hapoh ka jingtohkit bad khlieh da u Sub-Inspector M Myrboh uba la chargesheet ruh ïa u Herman Shylla.
