Shillong, Jymmang 15
Ha kawei ka jingjia, ki pulit ha ka Sngi Balang ki la pyntip ba uwei u nongshong shnong ka nongbah Shillong u la ujor ba ha ka 27 tarik Lber, 2024 ha ka por kumba 4:30 janmiet, u la lap ba ka pisa jong u kaba don T.99,999 ka la shah ot khlem ka jingtip ka jong u.
Haduh mynta, ym pat lah ban tip ha kano ka rukom katei ka pisa ka la shu shah ot khlem da don jingtip lypa da u trai.
Sa ha kawei pat ka jingjia, ki pulit ki la ïathuh ba kawei ka nongshong shnong ha Shillong ka la ujor ba hapdeng 8 bad 9 tarik Jymmang, ka la shah shukor pisa haduh T.46,000 hadien ba ka la jubab ïa kawei ka byrta (Advertisement) ba la pynmih ha ka rynsan “Telegram”.
