Nongstoiñ, Jymmang:
U District Magistrate (DM) ka West Khasi Hills, Bah Garod LSN Dykes, IAS, u la pyntip ba hapoh ka kyndon ba 144 CrPC u la pynmih ïa ka hukum ban khang pyrshah ïa ka jingpynïathoh ïa ki khynnah bad ka jingïalum kynhun briew kaba palat ïa ka 5 ngut.
Ha ka kyrwoh khubor, u District Magistrate u la ong ruh ba ka jingpynïathoh ne shongkurim khynnah ka long ka kam be-aiñ bad ka long pyrshah ïa ka hok jong ki khynnah bad ka donkam kyrkieh ban ïada ïa ka jinglong khynnah jong ki.
Shuh shuh la pynpaw ruh ba ka Prohibition of Child Marriage Act (PCMA), 2006 ka mana pyrshah ïa ka jingïathoh ne shongkurim khynnah bad la kheiñ be-aiñ hapoh ka kyndon 9, 10 bad 11 jong ka Act bad katkum ka aiñ, ki nongïada halor kane, ki dei ki Child Marriage Prohibition Officer (CMPO).
Ka PCMA hapoh ka kyndon 141 jong ka Indian Penal Code (IPC) ka khang pyrshah ïa ka jingïalum kynhun briew kaba palat ïa ka 5 ngut, lada kata ka jingïalum ka long na ka bynta ban leh ïa kino-kino ki kam be-aiñ.
