Shillong, Jymmang 16
Ki jingjia shah tuh kali bad ar shaka ha kane ka nongbah bad ki jaka ba marjan ki la bteng haduh kine ki sngi.
Katkum ka khubor ba la ïoh lum na ki pulit, la ong ba u Jeff Efisio Mawrie u la ujor ba ha ka miet jong ka 10 bad 11 tarik Jymmang, ki runar ki la tuh ïa ka thuk-thuk jong u (ML-05Z-5871) na Pohktieh Nongthymmai, Shillong.
Sa ha kawei pat ka jingjia, ki pulit ki la ïathuh ba u Larry P Syiem u la ujor ba ha ka miet jong ka 10 bad 11 tarik Jymmang, ki runar ki la tuh ïa ka thuk-thuk jong u (ML-05T-4893) na Pohktieh Nongthymmai, Shillong.
Ym tang katta, ki pulit ki la pyntip ba sa u Dipjoyti Boro u la ujor ba ha ka miet jong ka 10 bad 11 tarik Jymmang, ki runar ki la tuh ïa ka thuk-thuk jong u na Nongshiliang, Nongthymmai, Shillong.
Nalorkata, ki pulit ki la ai jingtip ba u Kondrowell Tham u la ujor ba ha ka miet jong ka 8 bad 9 tarik Jymmang, ki runar ki la rong noh ïa ka thuk-thuk jong u (ML-05W-2449) na Shella.
Shuh shuh la pyntip ba u Rubul Das u la ujor ba ha ka 11 tarik Jymmang, ki runar ki la tuh ïa ka thuk-thuk jong u (AS-01FV-3957) na Khyndai Lad.
