Jowai, Jymmang 16
Ka ïingbishar District & Session Judge jong ka West Jaiñtia Hills ka la rai pynshitom da kaba set patok shi jingim bad daiñ kuna ïa u Ram Dhar halor ka jingdonkti ban pynïap dusmon ïa u Trebor Hinge.
Ïa ka hukum pynshitom ïa u Ram Dhar, ka ïingbishar ka la pynmih ha ka 14 tarik Jymmang ban set patok shi jingim bad daiñ kuna T. 5,000 bad la bthah ruh ban siew bai lutksan sha ki bahaïing jong utei u lanot haduh T. 3 lak tyngka.
Katkum ka khubor na u Superintendent of Police ka West Jaiñtia Hills District, la ong ba u Ram Dhar u la pynïap ïa u Trebor Hinge na ka shnong Nongbah ha ka 11 tarik Rymphang 2015.
Ïa ka mukotduma pyrshah ïa u Ram Dhar la pynrung ha thanat Jowai katkum ka Case No. 22(2)15 U/S 302 IPC ba la shimti da u SI S Pariat.
