Khliehriat, Jymmang 16
U Deputy Commissioner bad Chairman, District Disaster Management Authority (DDMA), East Jaiñtia Hills District u la pynbna paidbah ba ka jingkieng kaba don ha surok bah NH-6 ha ka shnong Pyrtakuna kaba hap hapoh Lumshnong C&RD Block ka don ha ka jingbym shngaiñ bad ki nar rod ruh ki la paw shabar kaba lah ban buh jingma ïa ki paidbah.
Ban lait na kano-kano ka jingjia ïa ki kali bad ïa ki paidbah nongleit nongwan, kumta u la bthah ïa u Project Director jong ka National Highway Authority of India (NHAI), Meghalaya, Shillong ban maramot noh mardor namar kane ka jingkieng ka long kaba kongsan bha.
Ha kajuh ka por na ka liang jong u Deputy Commissioner ka East Jaiñtia Hills District u la kyntu ruh ïa ki paidbah ban kohnguh ïa ka rukom pynïaid kali haba ïaid lyngba na kane ka jingkieng khnang ban lait na kano-kano ka jingjia tad haduh ba la pyndep ïa ka jingpyntrei da ka NHAI.
