Shillong, Jymmang 17
Ka Myntri ka koit ka khiah, ka Kong Ampareen Lyngdoh kan sa leit sha Uttar Pradesh ban peit nuksa ïa ka rukom pynïaid bad treikam ki jaka pule doktor kiba kyrshan da ka Sorkar ha katei ka Jylla.
Ka Kong Ampareen ka la ïathuh ba shen kan sa leit sha Uttar Pradesh namar ki don 6 tylli ki jaka pule doktor kiba la kyrshan lang da ka Sorkar Pdeng ïa ka Sorkar Jylla ha Uttar Pradesh.
Kumta ka la ong kan sa khmih bniah ïa ka rukom treikam bad yn sa wanrah ïa ka jinglap jingshem khnang ba yn lah ban pynrung lang ïa ka nuksa na kine ki jaka pule doktor ha Uttar Pradesh ban pyntreikam ha kane ka Jylla.
Ka Myntri ka ïathuh ba ka jingtei jingshna ïa ka Tura Medical College ka dang ïaid bad la antad ba la kumno-kumno ha u snem 2026-2027 ka dei ban sdang noh.
Ka la ong ba ka Shillong Medical College kan sdang na na ka jaka kaba la don lypa bad dang donkam shuh shuh ban pynbit pynbiang ïa ki jingdonkam naduh ki jingtei kum ka jaka sah, bad jaka pule namar ki hospital ki la don lypa ban sdang ïa ka jinghikai kita ka Ganesh Das Government Hospital bad Shillong Medical College.
