Shillong, Jymmang 20
Ha kawei ka jingjia, ki pulit ha ka Lah Sngi U Blei ki la pyntip ba kawei ka longkmie ka la ujor ba ha ka 14 tarik Jymmang ha ka por shiteng synñia, saw ngut ki runar kiba la kieng atiar bad kiba la riam da ki jaiñ ba ju phong da ki pulit/shipai, ki la wan rung ha ka ïing sah jong ka kaba don ha kawei ka shnong ha West Khasi Hills.
Katei ka longkmie ka la ïathuh ba kita ki runar ki la pynap da ka tiar siat ïa u kurim jong ka bad ki la ïoh ban rah ei T.50,000 ka pisa bad kawei ka ‘Mobile Phone’.
Ha kawei pat ka khubor, ka Headmistress jong ka Mawïong Rim Presbyterian Secondary School ka la ujor ba ha ka 17 tarik Jymmang, ki runar ki bym lah ban ithuh ki la rung sha ka skul bad ki la pyrshang ban tuh ban thiem.
Nalorkata, ki pulit ki la pyntip ba u Barcline Sangma, uba dei khmih ïa ka Dangkong Sub-Beat kaba hap hapoh ka Dainadubi Range, North Garo Hills, u la ujor ba ha ka 7 tarik Jymmang ha ka por 4 baje mynstep, u la lap ba ki runar ki la tuh 21 tylli ki tin sop ïing na ka ‘Patrolling Camp’ ba shipor kaba don ha Dangkong.
