Nongstoiñ, Jymmang:
Ka HYC Maweit Circle ha ka Sngi Thohdieng ka la leit ban aiti ïa artylli ki dorkhas hakhmat ka DM&HO, West Khasi Hills halor katto-katne tylli ki mat jingdawa na bynta ka jingmyntoi ka dong bad ka thaiñ Maweit.
Ki dorkhas kiba ka HYC ka la leit ban aiti ki kynthup halor ka jingdawa ban don noh ïa ka Health & Wellness ha lai tylli ki Health Sub-Center, kata ha Porkhadoh, Miangshang bad Mawrynniew Health Sub-Center.
Ha kajuh ka por, ka seng ka la dawa ruh ban don noh ïa ka Health Sub-Center ha Mawmarin bad Shyrkon ‘A’ namar ka jingbun briew ka la biang pura katkum ka jingdawa jong ka Sorkar ban don ïa kum kitei ki jaka sumar.
Na ka liang ka HYC ka la ong ruh kum ban pynkynmaw, ka seng ka la leit ban dawa sha u Myntri ka tnad ba dei peit ha kine ki snem ba la leit ha kaba ïadei ban don kham bun ki Health Sub-Center ha ka thaiñ.
Shuh shuh ka la ong ba kane ka jingdawa ka la pynshong nongrim katkum ka jingdonkam jong ki paidbah ka thaiñ katba nang mih ki sngi ki snem namar ka jingjur jong kiba pang ba shitom ha ka thain.
Ka HYC ka la ïathuh ruh ba ha katei ka jingleit ïakynduh bad jingaiti ïa ka dorkhas, na ka liang ka DM&HO, ka la kular ban shim khia bad ban pynurlong kham kloi ïa kine ki jingdawa kaba ka HYC ka la buh.
