Nongstoiñ, Jymmang:
Ka Khasi Students’ Union (KSU) Umsohpieng Unit ka la ai por shi taïew ïa ka kompeni Jio ba ka dei ban pynbiang ïa u Tower uba don ha Upper Nongkyndang ha West Khasi Hills lym kumta ka seng kan shim da kawei pat ka sienjam kaba tyngeh.
Ha ka kyrwoh khubor, ka KSU ka la phah ïa ka kyrwoh kaba shai sha ka kompeni Jio hadien ka jingthut khah-khah jong ka ‘network’ hapoh ka thaiñ lajan shibnai mynta ha kaba ka la ong ba lada ka kompeni kam lah ban pynbit pynbiang ïa u ‘tower’ hapoh shi taïew, ka seng kan sa shim pat da kawei ka sienjam.
“Ka seng ka la shim ïa kane ka sienjam hadien ba ka la ïohi ïa ki jingeh jong ki paidbah ka thaiñ ha kaba ka la ktah shikatdei eh khamtam ïa ki khynnah pule ba hap leh lyngba ka ‘online’ bad kiwei kiwei ki jingdonkam katkum ka juk kaba mynta,” la ong ka kyrwoh na ka KSU.
Shuh shuh ka seng ka la ban jur ba lada ym lah ban pynbiang ïa utei u ‘tower’ hapoh shi taïew naduh ka 20 tarik Jymmang 2024, ka seng kan sa shim pat da kiwei ki sienjam, la ong u Publicity Secretary ka Khasi Students’ Union Umsohpieng Unit.
