Shillong, Jymmang 22
Ka Meghalaya Board of School Education (MBoSE) ka la pyntip ba kan sa pynbna ïa ka risol Secondary School Leaving Certificate (SSLC) bad Higher Secondary School Leaving Certificate (HSSLC-Arts) ha ka 24 tarik mynta u bnai.
Ka kyrwoh na u Controller of Examinations, MBoSE, Tura, Bah T.R. Laloo, u la ong ba ïa ka risol jong ka SSLC bad ka HSSLC-Arts ba la pynlong da ka MBoSE, Tura yn sa pynbna ha ka 24 tarik Jymmang ha ki kynta long trei.
Ïa ka ‘Result Booklet’, lah ban ‘download’ na ka ‘website’ ka MBoSE, www.mbose.in.
Ha kajuh ka por, kan ym don kano-kano ka jingwah ïa ka risol ha ophis ka MBoSE la ka long ha Tura ne Shillong.
Ïa ki risol lah ban ïoh ne ki ‘website’ ba kynthup ïa ka www.megresults.nic.in, www.meghalaya.shiksha, www.results.shiksha bad www.jagranjosh.com.
