Shillong, Jymmang:
U Chairman of the Board of Governors, National Institute of Technology (NIT) Meghalaya, u Sunil Alagh ha ryngkat ka jingsynranlang u Director ka NIT, Meghalaya, Prof. Pinakeswar Mahanta, ha ka Sngi Balang ki la leit ban ïakynduh ïa u Lat ka Jylla, u Phagu Chauhan, ha Raj Bhavan.
Ha katei ka jingïakynduh u Alagh bad Prof. Mahanta ki la kren halor ki sienjam bad kam pynroi bapher-bapher ha NIT, da kaba kdew ïa ka jingminot jong kane ka shlem ai jinghikai ha ka liang ka pule-puthi ki kor ka juk stad teknoliji ba mynta bad ki buit thymmai.
U Lat u la ai jingïaroh ïa ki jingpyrshang bad jingtrei shitom bad kner ïa ka jingkitbok jingkitrwiang na bynta ka jingseisoh ba ïai bteng jong ka NIT bad ka jinglam lynti jong ka.
Ha kane ka jingïakynduh, u Principal Secretary sha u Lat ka Jylla, u Harish Chandra Chaudhary, IFS u la ïadonlang.
