Shillong, Jymmang:
Ka Khasi Authors’ Society (KAS) kaba dei ka seng jong ki Nongthoh Kot ka la pyntip ba kan pynlong ïa ka Dorbar Pyllun bad ka jingïathir jingmut halor ka phang, “Ki Nongthoh bad ka Imlang Sahlang” ha ka 25 tarik Jymmang, 2024 Sngi Saitjaiñ naduh ka por 10:30 mynstep ha Arts bad Culture Hall, Shillong.
Ha kane ka dorbar yn pynsngew ïa ka kaiphod treikam jong ka KAS, ka jingïakren ban nang pynkhlaiñ shuh shuh ka jingdawa ban pynrung ïa ka ktien Khasi ha ka Khyrnit Baphra jong ka Riti Synshar ka Ri India bad ka jingïathir jingmut para nongthoh na ka bynta ban nang pynbha shuh shuh ha ka kam thoh kot.
Kumta lyngba kane ka jingpynbna ïar, ka KAS ka kyrpad ïa ki para nongthoh kiba dei ki dkhot ka seng ba kin poi lang sha kane ka dorbar, kynthup ïa ki dkhot kiba don ha ki shnat bapher-bapher hapoh ka bri u hynñiewtrep, kane ka long katkum ka kyrwoh kaba la phah da u Dr. RP Kharshiing, General Secretary ka KAS.
