Shillong, Jymmang:
Ka nongbah Shillong ka la ïoh mad ïa ka tamasa lehkmen kaba la tip kum ka ‘Pool Palooza’ kaba la pynlong ha ka jaka jngi um kaba don ha Courtyard by Marriott Shillong Hotel. Ïa kane ka prokram la pynlong ha ka 25 tarik Jymmang, 2024 bad ha kane ka sngi la sakhi ïa ki jait jingpynbyrngia bapher bapher kaba la pynshongshit ïa ki paidbah kiba wan na jngai bad na jan. La pynshongshit ruh ha kane ka sngi da ka kynhun nongtem kaba la tip kum ka Zephyrtone bad ka kynhun nongtem nongput na ka jylla.
Ki nongshah khot sngewbha ki la ïoh ban sakhi ïa ki jait jingpynbyrngia bapher bapher kiba pynhun jrut bad khamtam ki jingbam ba bun jait. Ka jaka jngi lane ka ‘Pool Palooza’ ka la ai khublei kyrpang ïa baroh ki nongai jingkyrshan bad kumjuh ïa ki nongbei tyngka, ki nongshim bynta ha ka put ka tem, ki nongshad bad kiwei kiwei kiba la don bynta lang.
