Shillong, Jymmang:
Ka ICICI Prudential Life Insurance ka la wanrah thymmai ïa ka ICICI Pru Platinum, kaba long ka Unit-Linked Product (ULIP) ba nyngkong, kaba ïahap bad ka jingsiew pisa sha ki ki Distributor katkum ka dor jong ka pisa ba la buh da ki nong thep pisa, ha kaba ka Commission jong ki Distributor kaba la pynïasoh sha ki jingdon jingem jong ki hapoh jong ka jingpynïaid. Kane ka Product ne ka rukom buh pisa kaba pher ka siew ïa ki Distributor ba kin pynshlur ïa ki nongthep pisa ba kin ïai bteng ban thep pisa ha baroh shilynter jong ka Policy. Lah ban kdew, ba kane ka wanrah ka jingtyrwa sha ki nongthep pisa ïa ka rukom thep pisa kaba duna ka jingot khajna khnang ba kin lah ban kynshew spah ha ki snem kiba jrong.
Ka ICICI Pru Platinum ka wanrah ïa ka jingshakri ba ki nongthep pisa ki lah ban kynriah khlem kano kano ka jingkhang hapdeng ki thup jong ki jingdon jingem ne ki Asset Classes, khlem da don kano kano ka jingshah ot ïa ka khajna. Kane ka Product ka wanrah ka jingtyrwa sha ki nongbuh pisa ïa ki 21 tylli ki Fund, ba kynthup ïa ki 13 tylli ki Equity bad mar 4 tylli ha ka thup jong ka Debt bad Balanced, bad nalor kata ka wanrah ruh ka jingtyrwa na ka bynta ki saw tylli ki Portfolio. U Amit Palta, Chief Distribution Officer, ICICI Prudential Life Insurance, u ong, “Ka ICICI Pru Platinum, ka dei ka Unit-Linked Product ba nyngkong jong ka kompani ba la saiñdur ban siew sha ki Distributor katkum ka jingïahap bad ka dor jong ka pisa ba la buh da ki nongthep pisa, bad kane ka kyntiew ïa ka jingshim bynta jong baroh ar liang”.
Ka kompanï ka wanrah ïa kane ka jingsiew sha ki Distributor ban pynshlur ïa ki briew ba ki kynshew pisa ha ka rukom kaba jrong ne bun snem bad ka ailad ïa ki nongthep pisa ba ki lah ban ïoh ïa ka jingkylliang ha ka Asset Class khlem jingwit bad khlem kano kano ka jingot khajna. Ka wanrah ruh ïa shibun ki jingïada ne Protection bad Savings Product katkum ka jingdonkam jong ki nongthep pisa ha ka jingim jong ki, bad kane ka ailad ïa ki ba kin long kiba biang ba bit ha ka liang ka pisa pilaiñ bad lah ruh ban pynurlong ïa ka jingangnud kaba jlan jong ki.
