Shillong, Jymmang:
Ki pulit ka jylla ki la pyntip ba u Shngaiñbor Wanñiang u la ujor ba ha ka 24 tarik Jymmang ha ka por kumba 1 baje mynstep, ki runar ki bym lah ban ithuh, ki la tuh ïa lai tylli ki masi na kawei ka jaka kaba don hajan ka Mawranglang View Point ha South West Khasi Hills.
Ha kawei pat ka jingjia, ki pulit ki la ong ba ar ngut ki longkmie ki la ujor lang ba ha ka 19 tarik Jymmang, uwei u briew ïa uba la tip kyrteng kum u L Parïong ryngkat bad ki paralok jong u, ki la shoh la dat ïa uwei u briew ïa uba la tip kum u T Hoojon ha ka shnong Wahliewlong ha Eastern West Khasi Hills. La ong ba ïa une uba la shah shoh la hap ban rah sha NEIGRIHMS ban ïoh jingsumar namar ba u la mynsaw.
Shuh shuh ki pulit ki la ïathuh ba u Famoustar Mukhim u la ujor ba ha ka 27 tarik Jymmang ha ka por kumba 3 baje mynstep, ka thuk-thuk jong u (ML-05P-6008) ka la shah tuh na Lumphira, Shillong.
Ha kajuh ka por, ki pulit ki la pyntip ba ha ka 28 tarik Jymmang ha ka por kumba 11:10 mynstep, kawei ka ar shaka (ML-05R-2136) kaba dei jong u Shreesha Karki ka la shah tuh na Upper Shillong.
