
Jowai, Jymmang 30
Ban tem ïa kino-kino ki huri-hura kiba lah ban mih ha ka sngi ñiew ‘Vote’ jong ka ilekshon MP bad ban pyntikna ba ka jingñiew ‘vote’ kan long kaba ïaid beit ïaid ryngtih, u Deputy Commissioner ka West Jaintia Hills District u la pynjari da ka kyndon 144 CrPC ha ki sawdong sawkun jong ka ïing treikam u DC.
Kane ka kyndon ka khang ïa ka jinglum paidbah palat ïa ka 5 ngut briew shi jaka hapoh 100 mitar ha ki sawdong sawkun ka ophis u DC.
Kane ka hukum kan ym treikam ïa ki shipai (CAPF, State and District Force) kiba pahara ha ophis DC, ki kyrtong, ki Election Agent, ki Counting Agent, ki nongtrei jong ka ophis u DC kumjuh kiba don Election Duty bad ki nongthoh kot khubor kiba la ïoh jingbit.
Kino-kino kiba leh pyrshah kin ngat ha ka jingshah pynshitom katkum ka Section 188 ka IPC.