Shillong, Jymmang:
Ka phlim ‘Tyrha’ kaba la pynmih da u Bah Lansius Syiemlieh kan sa pyni paidbah ha Bijou Cinema, Shillong naduh ka 7 tarik Jylliew 2024 man ka sngi ha ka por 11:30 mynstep, 2:00 baje nohphai sngi, 5:00 baje janmiet bad 7:00 baje mynmiet.
Ïa kane ka phlim la direk da u Bah Cores Marweiñ kaba la ak da u Stave Wahlang kum u tyngshop, ka Emika Rymbai kum ka puron, Zarina Marbaniang bad ki tyngshop kiba pynbiria ïa ki paidbah ki long u Micky Lyngdoh bad Keebor Kurbah.
Haba ïoh ban ïakren bad u Micky Lyngdoh, Keebor Kurbah bad ka Emika Rymbai ki la pynpaw ba ka jingmut ‘Tyrha’ ka dei ka jingsngewdom kaba u briew u la mad ïa ka jingeh bad ka jingpynsaja.
U Bah Mikcy Lyngdoh bad Keebor ha kane ka phlim ki la shim ïa ka bynta kum ki pulit langrut kiba dei kiba leit kem ïa ki nongleh kam sniew.
Katba ka Emika Rymbai ka la ïathuh ba ka la ïoh ban ak ha kane ka phlim ka dei hadien ba ka dep ak ïa ka ‘music video’ ‘Rang Tyrwa.
Kane ka puron ka pan jingkyrshan na ki paidbah ban wan sakhi ïa ka phlim ba ka la ïoh ban ak nyngkong ka ban sa mih ha Bijou Cinema naduh ka 7 tarik Jylliew 2024.
