Khliehriat, Jymmang 31
Ka jingbteng jong u slap ban ther ryngkat ka jingsyllad jong ka lyer, ka la wanrah ka jingtwa khyndew ha Elaka Nongkhlieh, East Jaiñtia Hills District.
Kawei na ki jingjia twa khyndew ka la jia ha ka shnong Tongseng ha kaba ka khyndew bad ki maw ki la tap lut ïa ka surok bad wanrah ïa ka jingsahkut ka ïaid ka ïeng jong ki kali bad ki paidbah.
Ka jingpynkhuid ïa ka khyndew ka dang ïaid shakhmat da kaba pyndonkam da ki puh shilum.
Katba ha Shnongrim la sakhi ba shibynta jong ka surok ka la ngam bad mar shiteng ka surok ka la julor bad kam long ïaid kali shuh. Kane ka la wanrah mawjynthut ïa ka ïaid ka ïeng u paidbah khamtam ha ka pang ka shitom.
