Amlarem, Jymmang 31
Ki thylliej ding ba klang ki la ïoh ban bam duh noh ïa kawei ka dukan ba die ïa ki tiar pynbhabriew ha Amlarem, West Jaiñtia Hills District.
Katkum ka khubor la ong ba kane ka la jia ha ka step 31 tarik Jymmang ha ka por kumba 2 ne 3 baje mynstep. U Waheh Shnong ka Amlarem, Bah Kampher Pohlong u la ïathuh ba la suba ba ka jingpluh ding ka dei na ka jingthut jong ka bording ilektrik.
Kane ka dukan ka dei jong ka Kong Lily Sumer bad baroh ki tiar ki tar kiba don ha kane ka dukan ki la ingkhong lut khait.
La antad ba ka jingduh nong na kane ka jingpluh ding ka la kot sha ka 10 lak tyngka. Ki kali pynlip ding ruh ki la wan poi mar-mar sha kane ka jaka bad la lah ban tem noh ïa ka ding shuwa ba kan pur sha kiwei pat ki dukan marjan.
