Shillong, Jymmang:
Ka Meghalaya Parents Association for the Disabled (MPAD) ha ka Sngi Palei ka la ïakynduh ïa ka Director General of Police (DGP) ka Jylla, Kong Idashisha Nongrang ban pynsngew halor ki katto-katne ki mat kiba ïadei bad ki briew kiba don jingduna ha ki dkhot met.
“Ka jingwan ïakynduh jong ngi ïa ka DGP ka long halor ki jingshem jong kiba duna dkhot met kiba ki ïakynduh bad ki pulit. Kaei kaba ngi ïakren hangne ka long halor ka ‘Social Security’ bad ka ‘Traffic Security’. Kine ki long ki ar tylli ki bynta kiba ngi la kham ban jur bha bad ka DGP,” la ong ka General Secretary ka MPAD, Kong Belbora Wankhar haba kren sha ki lad pathai khubor hadien ka jingïakynduh bad katei ka heh pulit ka Jylla.
Haba kdew ba ïa mynta, ka tnad pulit ka Jylla ka dang pynlong ïa ki jingai jinghikai ha man la ki distrik, ka Kong Wankhar ka la ong ba ka seng ka la ai jingmut ïa ka DGP ban pynrung lang ïa ka sobjek halor ki briew kiba duna dkhot met ha ka jingai jinghikai jong ki pulit khnang ba kin sngewthuh kham bha haba ïadei bad ki briew kiba don jingduna ha ki dkhot met khamtam kito kiba duna ha ka bor pyrkhat, ki bym ïohsngew bad bym nang kren naba bun ki pulit kim tip ïa kine kiei-kiei baroh bad kumta ki mih shibun ki jingeh.
“Ka la mynjur bad ngi ïa kata bad ong ba ka jingai jinghikai mynta ka la ïaid shakhmat bad ka la pynsngew ha ngi, la ngi long ne em kiba la khreh ban ai jingkren shi-shi kynta ha man la ki jaka bad ngi la ong hooid, ngi kloi. Ka DGP ka la ong ba ha une u taïew ban wan, kan sa pynkhreh ïa kata,” ka la ong.
Ha kajuh ka por, katei ka nongïalam ka la pynpaw ka jingsngewtynnad halor ka jinglong la kloi jong ka DGP ban shim noh ïa ka rai ban pdiang ïa katei ka jingtyrwa jong ka seng.
“Ha ka jingtreikam jong ngi kum ki seng treimon sngewbha, ngi mad tang ki soh kthang bad shano ngi leit…bad lada ngi leit ruh ngim ïoh ka jingithuh. Ka DGP ka la ong ba kan shimkhia ïa kane ka kam,” la ong ka Kong Wankhar.
Shuh shuh haba pynkynmaw ïa kawei ka jingjia kaba la jia ha 18 Mer, Byrnihat ka ban sa dap shi snem ha ka 17 tarik Nailur, 2024, ha kaba kawei ka khynnah (19 snem ka rta) kaba duna ha ka bor pyrkhat ka la khlad noh hadien ba ka la ïakynduh ïa ka jingjia aksiden, ka General Secretary ka la ong ba haduh mynta ym pat ïoh kaiphod halor katei ka jingjia.
Nalor kane, ka la ong ruh ba haba la leit sha ka tnad pulit Byrnihat, ki la ong ba ki la tip hi la ka kamram.
“Ka DGP ka la ong ba kan sa shimkhia ïa kane bad hapoh ar-lai sngi kan sa pyntip haba ïadei bad katei ka jingjia,” ka la ong.Shillong, Jymmang:
Ka Meghalaya Parents Association for the Disabled (MPAD) ha ka Sngi Palei ka la ïakynduh ïa ka Director General of Police (DGP) ka Jylla, Kong Idashisha Nongrang ban pynsngew halor ki katto-katne ki mat kiba ïadei bad ki briew kiba don jingduna ha ki dkhot met.
“Ka jingwan ïakynduh jong ngi ïa ka DGP ka long halor ki jingshem jong kiba duna dkhot met kiba ki ïakynduh bad ki pulit. Kaei kaba ngi ïakren hangne ka long halor ka ‘Social Security’ bad ka ‘Traffic Security’. Kine ki long ki ar tylli ki bynta kiba ngi la kham ban jur bha bad ka DGP,” la ong ka General Secretary ka MPAD, Kong Belbora Wankhar haba kren sha ki lad pathai khubor hadien ka jingïakynduh bad katei ka heh pulit ka Jylla.
Haba kdew ba ïa mynta, ka tnad pulit ka Jylla ka dang pynlong ïa ki jingai jinghikai ha man la ki distrik, ka Kong Wankhar ka la ong ba ka seng ka la ai jingmut ïa ka DGP ban pynrung lang ïa ka sobjek halor ki briew kiba duna dkhot met ha ka jingai jinghikai jong ki pulit khnang ba kin sngewthuh kham bha haba ïadei bad ki briew kiba don jingduna ha ki dkhot met khamtam kito kiba duna ha ka bor pyrkhat, ki bym ïohsngew bad bym nang kren naba bun ki pulit kim tip ïa kine kiei-kiei baroh bad kumta ki mih shibun ki jingeh.
“Ka la mynjur bad ngi ïa kata bad ong ba ka jingai jinghikai mynta ka la ïaid shakhmat bad ka la pynsngew ha ngi, la ngi long ne em kiba la khreh ban ai jingkren shi-shi kynta ha man la ki jaka bad ngi la ong hooid, ngi kloi. Ka DGP ka la ong ba ha une u taïew ban wan, kan sa pynkhreh ïa kata,” ka la ong.
Ha kajuh ka por, katei ka nongïalam ka la pynpaw ka jingsngewtynnad halor ka jinglong la kloi jong ka DGP ban shim noh ïa ka rai ban pdiang ïa katei ka jingtyrwa jong ka seng.
“Ha ka jingtreikam jong ngi kum ki seng treimon sngewbha, ngi mad tang ki soh kthang bad shano ngi leit…bad lada ngi leit ruh ngim ïoh ka jingithuh. Ka DGP ka la ong ba kan shimkhia ïa kane ka kam,” la ong ka Kong Wankhar.
Shuh shuh haba pynkynmaw ïa kawei ka jingjia kaba la jia ha 18 Mer, Byrnihat ka ban sa dap shi snem ha ka 17 tarik Nailur, 2024, ha kaba kawei ka khynnah (19 snem ka rta) kaba duna ha ka bor pyrkhat ka la khlad noh hadien ba ka la ïakynduh ïa ka jingjia aksiden, ka General Secretary ka la ong ba haduh mynta ym pat ïoh kaiphod halor katei ka jingjia.
Nalor kane, ka la ong ruh ba haba la leit sha ka tnad pulit Byrnihat, ki la ong ba ki la tip hi la ka kamram.
“Ka DGP ka la ong ba kan sa shimkhia ïa kane bad hapoh ar-lai sngi kan sa pyntip haba ïadei bad katei ka jingjia,” ka la ong.
