Khliehriat, Jymmang 31
U Deputy Commissioner bad Chairman ka District Disaster Management Authority (DDMA) jong ka East Jaiñtia Hills District u la weng noh ïa ka hukum khang ïaid kali lyngba ka surok bah National Highway-6 ha Lumshnong.
U la ong ba katkum ka hukum ba la pynmih ha ka 31 tarik mynta u bnai, la ong ba ïa ka jingmaramot ïa ki bynta jong ka surok NH-6 hapoh Lumshnong la lah ban pyndep da ka National Highway Authority of India (NHAI).
Kumta ruh la weng noh mardor ïa ka hukum kaba la pynmih ha ka 30 tarik kaba la khang pyrshah ïa ka leit ka wan jong ki kali lyngba kane ka surok kaba la shong synjor namar ka jingther jong u ‘lapbah bad ka jingshlei um.
Lah ban kdew ba ka jingshlei um bad ki jingjia twa khyndew ha lynter kane ka surok NH-6 ki dei kiba ju jia khah-khah bad kiba wanrah ka jingeh bakhraw ïa ki nongleit nongwan, kata kynthup naduh ki kali rit haduh ki kali heh kiba leit sha kiwei pat ki jylla jong ka thaiñ shatei lam-mihngi kum sha Mizoram, Tripura, Manipur bad Assam.
