Shillong, Jymmang 31
Ka Sorkar Jylla lyngba ka tnat Disaster Management ka la pyllait ?19.85 klur sha ki Deputy Commissioner jong ki district bapher bapher na ka bynta ban pyndonkam ïa ka pisa namar ki jingshah lynshop kiba la jia namar ka jingjur slap ha Jylla hadien ba la khie ka ‘erlangthari Remal.
Ki jingshah lynshop ki la jia ha kylleng naduh ki jingtwa kiba la pynlong ban duh ïa ki jingim briew, ka jingshlei um hadien ba jur u slap, bad kiwei kiwei ki jingshah ktah.
Ka tnat Disaster Management ka la pyllait ïa ka pisa `19.85 klur sha ki DC bad ka jingmang ïa ka pisa ka long katkum ki jingdonkam jong kito ki district bad kiwei pat kiba shah ktah namar ka jingshah lynshop.
U DC ka East Khasi Hills u SC Sadhu, u la pynbna ba la pyllait `19.85 sha ki Deputy Commissioner na ka bynta ban ïoh pyndonkam ïa ka pisa ha la ki jong ki district.
Ka jingtwa bad shlei um ka la jia ha kylleng namar ka jingjur slap bad ki don bun tylli ki jaka kiba jur bha ka jingtwa.
