Shillong, Jylliew:
Ka shnat ba paw bha ha ka liang ka jingshakri ïa ki kam Telecom kata ka Vi ka la pynbna ïa ka jingïatehlok bad ka kompani Netflix. Ka jingthmu jong kane ka jingïatehlok ka long ban ailad ïa ki nongpyndonkam ïa ka Vi ba kin ïoh ban peit ïa bun jait ki jingpynbyrngia ne ki Content, kaba lah ban peit ha ki Phone, Television, bad Tablet.
Lyngba kane ka jingïatehlok, ka Vi ka la pyntreikam ïa ka Netflix Basic kaba don ïa ka Unlimited Plan na ka bynta ki nongpyndonkam ïa ka Prepaid, kaba long u mawmer ha ka karkhana Telecom. Kane ka Plan, ha ka dor 1000 tyngka, na ka bynta ban ïoh ïa ka Unlimited Calls, Data, bad 100 tylli ki SMS/shi sngi, ryngkat bad ka jinglah ban peit ïa ki phlim ba bun ha Netflix, kaba kynthup naduh ki phlim ba pynmih ha ka ri lajong kum ka “Heeramandi: The Diamond Bazaar” haduh kiwei kiwei ki phlim ba paw kum ka “Squid Game” bad “Bridgerton”.
Nalor kane, ka Vi ka la wanrah ruh ïa ki ar tylli ki Unlimited Prepaid Pack kiba thymmai kiba pher ka Validity bad ka data, na ka bynta ki nongpyndonkam kiba pher bapher. Ki nongpyndonkam ha Mumbai bad Gujarat ki lah ban ïoh ïa ka Validity ba 70 sngi ha ka dor 1099 tyngka, katba kiwei pat ki lah ban jied ïa ka Validity kaba 70 sngi bad 84 sngi -ha ka dor 998 tyngka bad 1399 tyngka.
Kane ka jingïatehlok ym tang ba ka long ka dak ban pynpaw ba ka Vi ka dei tang ma ka ka shnat ai jingshakri ban wanrah ïa ka jingtyrwa ban ïoh ïa ka Netflix Basic ha ka dor kaba biang hynrei ka pyni ruh ïa ka jingtreikam ba radbah ban pynbiang ïa ki nongpyndonkam lyngba ki jingtyrwa kiba la leh katkum ki rukom bathymmai. Ki nongpyndonkam ïa ka Vi kiba kwah ban pyndonkam da ka Plan kaba kut ka Validity haduh 84 sngi kin ïoh ïa ka jingmyntoi jong ka Flagship Hero Proposition, ba kynthup ïa ka Data Delight, Night Binge, bad Weekend Data Roll-over.
Nalor kane, ka Vi ka la thmu ban nang pynïar ïa ka jingïatreilang jong ka bad ka Netflix na ka bynta kito kiba pyndonkam ïa ka Postpaid, da kaba ailad ïa ki nongpyndonkam da bun jait ki lad ki lynti ba ki lad ban jied ban ïoh ïa ki lad jingpynbyrngia khlem kano kano ka jingthut.
