Jowai, Jylliew 02
Ka jingïap jong ki briew ba bam tit khlaw ka la kiew sha ka 4 ngut hadien ka jingkhlad noh kawei ka longkmie ha ka step 2 tarik Jylliew.
Kane ka longkmie kaba la khlad la tip kyrteng kum ka Anna Suchiang (60 snem rta) bad ka la khlad ha North Eastern Indira Gandhi Regional Institute of Health and Medical Sciences (NEIGRIHMS).
Kiba la khlad ki long ka Anna Suchiang (60 snem ka rta), Riwansaka Suchiang (8 snem ka rta), Kitlang Suchiang (12 snem ka rta) bad u Wansalan Suchiang (15 snem ka rta) kiba dei ki khun jong ka Kong Jumonlang Suchiang bad Bah Linus Sumer.
Kum ban shu pynkynmaw kane ka jingbam tit khlaw ka la jia ha ka 28 tarik Jymmang ha shnong Saphai kaba hap hapoh Laskeiñ C&RD Block, West Jaiñtia Hills District.
Kiba dang don mynta hapdeng ka jingsumar ki long u Ribaitki Shadap bad u Shanmi Chympa ha Jowai Civil Hospital, Ïalong, u Obar Sutnga (70 snem ka rta) bad Nidawan Kanai (12 snem ka rta) ha NEIGRIHMS, Shillong.
Katba ha Nazareth Hospital, Shillong kiba shah sumar ki kynthup ïa ka Kong Jumonlang Suchiang bad u khun ba dang 11snem ka rta.
