Shillong, Jylliew 02
Ka Seema Praharis jong ka 1st Bn BSF Meghalaya ka la pyllait im ïa 2 ngut ki nongshong shnong kiba la mynsaw ha ka jingjia aksiden hajan ka shnong khappud jong ka Illatoli, South Garo Hills.
Na ka liang ki shipai BSF mar-mar ki la leit ban ai jingïarap ‘First-Aid’ sha kitei kiba la mynsaw. Hadien kane, la pynkynriah noh ïa ki sha ka ka jaka sumar jong ka distrik, Baghmara da kaba pyndonkam ïa ka ‘Ambulance’ ka BSF.
Kane ka jingleh jong ka BSF ka kdew shai ïa ka jingminot thop jong ka tnad ym tang ban ïada ïa ki khappud, hynrei ban khmih ruh ïa ka bha ka miat jong ki nongshong shnong kiba shong ba sah ha ki jaka khappud.
