Shillong, Jylliew 03
Ka jingpahara ha baroh 13 tylli ki jaka ñiew ‘vote’ kan long haduh lai syrtap khnang ba ka kam kan long kaba ïaid beit ïaid ryntih tad haduh ban dep lut ka jingñiew ‘vote’ bad ka jingpynbna ïa ki nongjop.
Ki jaka ñiew ‘vote’ ha Shillong Parliamentary konstitwensi ki don 8 tylli. Ka jaka ñiew ‘vote’ kaba heh tam kan dei ha nongbah Shillong ha kaba yn ñiew ïa ki ‘vote’ kiba wan na ki 15 tylli ki konstitwensi MLA.
Ka jaka ñiew ‘vote’ kaba kham duna ki nongjied ka dei ha Sohra Civil Sub Division namar tang ar tylli ki konstitwensi, ka Shella bad Sohra konstitwensi.
Ka jingpahara kan long ha ki lai bynta, naduh nabar, hakhmat ka jaka ñiew ‘vote’ bad ki jaka ñiew ‘vote’ bad shapoh.
Ka jingñiew ‘vote’ kan long ha baroh 13 tylli ki jaka ñiew vote, 8 tylli ha Shillong bad 5 tylli ha Tura.
