Jowai, Jylliew 04
Ki nongthep ‘vote’ jong hynñiew tylli ki Assembly Constituency ha Rilum Jaiñtia ki la ai da ka ‘yellow card’ ïa baroh hynñiew ngut ki MLA ha rilum Jaiñtia kiba kynthup ïa uwei u Symbud Myntri Rangbah bad ar ngut ki Myntri namar ki nongthep ‘vote’ ki la kyntait mardor ïa ki kyrtong ba la pynïeng da ki seng jong ki.
Ki hynñiew tylli ki Assembly Constituency ki long ka Nartiang Constituency, Jowai Constituency, Raliang Constituency, Mowkaiaw Constituency, Amlarem Constituency, Khliehriat Constituency bad ka Sutnga-Saipung Constituency.
Haba kheiñ lang ïa ka ‘vote’ jong baroh ki hynñiew tylli ki Constituency, u kyrtong jong ka VPP u Dr Ricky AJ Syngkon u la ïoh haduh 121401 ki ‘vote’, katba ka kyrtong jong ka NPP ka Kong Ampareen Lyngdoh ka la ïoh tang 47942 ‘vote’, u kyrtong ka Congress Bah VH Pala u la ïoh 43955 ‘vote’, u kyrtong ka RDA Bah Robertjune Kharjahrin u la ïoh 8205 ‘vote’, u kyrtong shimet Prof. Lakhon Kma u la ïoh 4842 bad u Peter Shallam u la ïoh 1735 ‘vote’.
Ha Nartiang Constituency kaba la mihkhmat da u Bah Sniawbhalang Dhar kum u MLA bad long ruh u Symbud Myntri Rangbah ka Jylla, u kyrtong ka VPP u la ïoh 19346 ‘vote’ katba ka kyrtong ka NPP ka la ïoh tang 10974 ‘vote’. U kyrtong ka Congress u la ïoh 3560, u kyrtong ka RDA Bah Robertjune Kharjahrin u la ïoh 196 ‘vote’ katba ar ngut ki kyrtong shimet kata u Prof. Lakhon Kma u la ïoh 770, u Peter Shallam u la ïoh 326 katba u NOTA u la ïoh 129 ‘vote’.
Ha Jowai Constituency ba la mihkhmat da u Bah Wailadmiki Shylla, u kyrtong ka VPP u la ïoh haduh 18142 ‘vote’, katba ka kyrtong ka NPP ka la ïoh tang 8563 ‘vote’, u kyrtong ka Congress u la ïoh 3599 ‘vote’, u kyrtong ka RDA Bah Robertjune Kharjahrin u la ïoh tang 271 ‘vote’, u Prof. Lakhon Kma 694 ‘vote’, Peter Shallam 203 katba u NOTA 175 ‘vote’.
Ha Raliang Constituency kaba la mihkhmat da u Bah Comingone Ymbon uba dei u Myntri ka sorkar Jylla, u kyrtong ka VPP u la ïoh haduh 18390 ‘vote’, katba ka kyrtong ka NPP ka la ïoh tang 5829 ‘vote’, u kyrtong ka Congress u la ïoh 2647 ‘vote’, u kyrtong ka RDA Bah Robertjune Kharjahrin u la ïoh 273 ‘vote’, katba u Prof. Lakhon Kma u la ïoh 731, Peter Shallam u la ïoh 311 ‘vote’, Nota 144 ‘vote’.
Ha Mowkaiaw Constituency ba la mihkhmat da u MLA ka UDP u Bah Nujorki Sungoh, u kyrtong ka VPP u la ïoh 12743 ‘vote’, katba u kyrtong ka RDA u la ïoh tang 802 ‘vote’, ka kyrtong ka NPP ka la ïoh 4508 ‘vote’, u kyrtong ka Congress u la ïoh 7505 ‘vote’, u Prof. Lakhon Kma u la ïoh 613 ‘vote’, u Peter Shallam u la ïoh 206 katba u Nota 99 ‘vote’.
Ha Amlarem Constituency ba la mihkhmat da u MLA ka UDP Bah Lahkmen Rymbui, u kyrtong ka VPP u la ïoh haduh 17425 ‘vote’ katba u kyrtong jong ka RDA u la ïoh tang 2163 ‘vote’, ka kyrtong ka NPP ka la ïoh 4430 ‘vote’, u kyrtong ka Congress u la ïoh 6353 ‘vote’, katba u Prof. Lakhon Kma u la ïoh 732 ‘vote’, Peter Shallam u la ïoh 222 katba u Nota 131 ‘vote’.
Ha Khliehriat Constituency ba la mihkhmat da u MLA ka UDP Bah Kyrmen Shylla uba dei ruh u Myntri Sorkar, u kyrtong ka VPP ul a ïoh haduh 19578 ‘vote’, katba u kyrtong jong ka RDA u la ïoh tang 4224 ‘vote’, ka kyrtong jong ka NPP ka ïoh 6107 ‘vote’, u kyrtong ka Congress 6745 ‘vote’, katba u Prof. Lakhon Kma 726 ‘vote’, u Peter Shallam 267 ‘vote’ bad u Nota 195 ‘vote’.
Ha Sutnga-Saipung Constituency ba la mihkhmat da ka Kong Santa Mary Shylla jong ka NPP, u kyrtong ka VPP u la ïoh haduh 15777 ‘vote’, katba ka kyrtong ka NPP ka la ïoh tang 7531 ‘vote’, u kyrtong jong ka Congress u la ïoh 13546 ‘vote’, u kyrtong ka RDA u la ïoh 276 ‘vote’, u Prof. Lakhon Kma 576 ‘vote’, Peter Shallam 200 ‘vote’ katba u Nota 135 ‘vote’.
