Shillong, Jylliew 04
U President ka National People’s Party (NPP) u Conrad K Sangma uba long ruh u Myntri Rangbah ka Jylla, u la phah ïa ka khubor ai khublei sha ar ngut ki kyrtong ba jop ha ka ilekshon Lok Sabha kata u Dr Ricky AJ Syngkon jong ka VPP na Shillong-1 bad u Saleng A Sangma jong ka Congress na Tura-2.
U Conrad ïa kane ka jingai khublei u la thep ha ka rynsan social media jong lade bad ong ruh “Ngi pdiang da ka jingsngewrit bad burom ïa ka rai jong u paidbah bad ngi kitbok ïa u Saleng A Sangma bad Dr Ricky Andrew J Syngkon ïa kaba bha tam”.
U Dr Ricky AJ Syngkon ka VPP u la pynliem kput ïa ki kyrtong kiba ïakhun pyrshah kata da palat 3.70 lak ‘vote’ ïa u Bah Vincent H Pala ka Congress bad ka Kong Ampareen Lyngdoh jong ka NPP. Katba u Saleng A Sangma u la pynliem ïa ka kyrtong ka NPP ka Agatha K Sangma da palat 1.50 lak ‘vote’.
