Mawkyrwat, Jylliew 06
Ka Seng Samla Shnong Mawrap bad ka shnong Mawrap ha South West Khasi Hills District ha ka miet jong ka 5 tarik u Jymmamg 2024 ki la ïoh ban bat ïa uwei u briew uba la suba jur ba u dei u nongkhaïi drok.
Ïa une u briew ba la ïoh kem la tip kyrteng kum u Dibarland Kharmusulman uba la kam ba u dei na Nongstoiñ ha WKH bad na ka met jong u, la ïoh ruh ban kurup ïa u drok bad ka pisa.
Ïa une u briew la ïoh ban bat noh katba u dang thmu ban leit phai sha Mawtangden kaba dei ka shnong ba u leit shongkha. Ka shnong Mawrap hadien ba ka la i shan khmat ïa ka ïaid ka ïeng jong une u briew, ha kane ka miet ka la pynlong ka jingap pahara bad ïoh kem noh ïa une u briew bad hadien la aiti noh sha ki pulit ka Mawkyrwat.
Ka shnong Mawrap ka la pynpaw ïa ka jingsngewdiaw bad maham tyngeh ïa kine ki briew kiba die bad dih drok kiba dei ruh ki bar shnong kiba pyrshang ban biah phongrai ïa ki khun samla jong ka dong ka thaiñ.
