Shillong, Jylliew 06
Ki kyndon ba pyrkhing namar ka ilekshon sha ka Ïingdorbar Thawaiñ Lok Sabha kim treikam shuh ha Jylla hadien ba ki kam kiba ïadei bad ka ilekshon ki kut khamtam hadien ba la dep ka jingñiew ‘vote’ bad pynbna ïa ki kyrtong kiba jop ha ka 4 tarik Jylliew, 2024.
Ki kyndon kiba ïadei bad ka jingpyrkhing ilekshon ki la treikam naduh ka 16 tarik Lber, 2024 kaba dei ruh ka sngi ba pynbna ïa ka ilekshon Lok Sabha ha ka ri baroh kawei
Katkum ka shithi kaba la phah sha ki Chief Electoral Officer (CEO) jong ki Jylla bapher bapher, la ong ba ka Model Code of Conduct (MCC) kaba la pyntreikam namar ka ilekshon Lok Sabha ha ka ri baroh kawei bad ka ilekshon sha ki Ïingdorbar Thawaiñ ka Jylla ha Andhra Pradesh, Arunachal Pradesh, Odisha bad Sikkim, bad ki ilekshon shiteng samoi ka la kut noh mynta bad kam treikam shuh hadien ba la dep lut ki kam ki jam haba ïadei bad ka ilekshon MP.
Ka jingthep ‘vote’ ha Meghalaya la pynlong ha ka wat banyngkong jong ka jingthep ‘vote’ kaba la la pynlong bun wat, kata, naduh ka 19 tarik haduh ka 1 tarik Jylliew 2024.
Ka Meghalaya ka don tang ar tylli ki Lok sabha konstitwensi ha kaba u kyrtong ka Congress u la jop na Tura bad u kyrtong ka VPP u la ïoh jingjop na Shillong konstitwensi ha kane ka ilekshon, 2024.
