Nongstoiñ, Jylliew 07
Uwei u rangbah ba la tip kyrteng kum u Bronly Parïong (56 snem ka rta) na ka shnong Tiehsaw (Tiehsawbah) kaba hap hapoh Myriaw Syiemship, West Khasi Hills, District u la jah rngai na la ïing naduh ka 30 tarik u Jymmang, 2024 bad khlem wan phai ïing shuh haduh mynta.
Ka khubor na u SP ka WKHD ka la ong ba katkum ka jingujor ba la ïoh pdiang na ka kurim jong utei u rangbah, la ong ba ha ka 30 tarik u Jymmang utei u rangbah u la mih na la ïing ha ka por 6 baje mynstep da ka jingthmu ban leit sha ka shnong Lawmei hynrei la ïoh jingtip ba ha ka 1 tarik u Jylliew ba utei u rangbah u khlem poi satia sha Lawmei.
Ka khubor na u SP ka ong ruh ba haduh ba thoh ïa kane ka khubor ym pat lah satia ban lap ksai shano utei u rangbah u don.
Shuh shuh u SP ka WKHD u la pynmih ïa ‘Look Out Notice’ ba phah jingtip ruh sha baroh ki thanat hapoh ka Jylla bad ki Jylla ba marjan.
