Shillong, Jylliew:
Ka Amazon.in ka la pyllait ïa ki ar jait ki sienjam treikam kiban ïarap ban btin lynti ïa kiba la tip kum ka: Creator University bad Creator Connect. La saiñdur ïa kine ki prokram na ka bynta ban wanrah jingkylla ïa ka jingim jong ki Influencer bad kito kiba kwah ban long ki nongseng kam lajong, da kaba wanrah ka jingtyrwa ban pynïoh ïa shibun ki jinghikai bad ka lad ka lynti ba kin ïohlad ban pynïar ïa ka kam jong ki hapoh jong ka Amazon.
Ka Creator University ka long kum kawei na ki rynsan kaba skhem na ka bynta ban ai ïa ki jinghikai, da kaba ai ïa ki lad ki lynti sha kito kiba shna ïa ki Content ne ki Video ïa ki jingdonkam ba ki donkam bad kumjuh ruh ïa ka jingtip khnang ba kin ïoh jingjop ha ka rynsan jong ka Amazon. Lyngba ki jinghikai kiba biang ba bit ba kynthup ruh ka jingpyni ïa ki Video ki ban ai jinghikai ïa ki, ki jingthoh, ki jingïaphylliew jingmut, bad ka jingpule ïa ki jingthoh kiba ïadei bad kane ka bynta ïa kaba la thoh lyngba ka jingwad bniah, ki nongïashim bynta kin ïoh ïa shibun ki jingtip ba bniah kumno ba kin lah ban jied tiar ki tar, ban shna ïa ki Video, bad kumno ban khring shibun ki nongpeit.
Ban nang bynrap shuh shuh ïa ka kam jong ka Creator University ka dei ka Creator Connect, kaba long ka bynta treikam kaba wanrah ïa shibun ki lympung kiba thmu ban wanrah ïa ka jingïatreilang bad ka jingïakyntiew para ba ïa leh ïa kajuh ka kam. Ka jingplie ïa kane ka lympung, “A Summer Escape,” ka la long ha sien ba nyngkong ha Mumbai, kaba ïatyngkhuh ruh bad ka Amazon Fashion’s Wardrobe Refresh Sale. Kane ka jingïakynduh lang ka long kum ka shlem ban ïoh ïa ki lympung ïaphylliew jingmut, ka jingïakren ïa ki phang bapher bapher, bad ka jingïakynduh ïa kiwei pat ki briew kiba trei ha ki karkhana bapher bapher bad kumjuh ruh ïa ki nongtrei ka Amazon.
Ha ka Amazon, ngi sngewthuh ïa ka bynta ba kongsan ba la leh da kito kiba thaw ïa ki Video jong ki ne ki Content creator ban khring ïa ki rukom pyrkhat ki nongthied. Ka Creator University bad Creator Connect ka pyni ïa ka jingtrei ba radbah jong ki ban pynkup bor ïa ki Creator da ki shlem jingtip ba ki donkam ban kiew ha ka jingim jong ki,” ïa kane la ong da u Kishore Thota, Director of Shopping Experience, India & Emerging Markets, Amazon.
