Jowai, Jylliew 10
Ki pulit ka West Jaiñtia Hills ki la ïoh kem ïa uwei u briew ba la suba donkti ban pynïap ïa kawei ka longkmie ha ka shnong Sahsniang kaba hap ha thanat Raliang.
Katkum ka khubor ba la ïohlum, ïa utei uba la shah kem la ithuh kyrteng kum u Wan Lathong na ka shnong Niawkmai bad la kem ïa u ha ka miet jong ka Sngi U Blei.
Kum ban shu pynkynmaw, ka jingshah pynïap ka longkmie kaba tip kum ka Ailem Bamon ka la jia ha ka Sngi U Blei katba ka dang don ha lyngkha ha Sahsniang. Katei ka longkmie ka la shah pynïap da kaba shah ot na u ryndang da ka kynja tiar kaba nep.
Katba uwei pat u briew uba kyrteng u Ki Dkhar u la ngat ha ka jingshah thombor bad mynsaw jur na ki bynta jong u ryndang bad la pynkit noh sha Civil Hospital, Jowai na ka bynta ban ai jingsumar.
