Shillong, Jylliew 10
U MP ka Tura, u Saleng A Sangma u la kynthoh ïa u Myntri Rangbah ka Assam, u Himanta Biswa Sarma ba u shitom na ka jingbym biang ka bor pyrkhat (mental disorder) namarba u kynnoh ba ka don kawei ka niam kaba pynrem ïa ka NDA ha Manipur, Nagaland bad Manipur.
U Saleng uba la ong ba u Himanta hi u kren shaphang kata ka niam haba u leit ïalap ilekshon bad la ïohi kumno u leh ha kaba ïadei bad ki kam niam nalor shibun kiba dei bad ki Muslim.
U la ong ba u Himanta um dei ban kynthoh kumne ban kynnoh ïa kano-kano ka niam.
“Kumno un shu kren ba tip shaphang ka Meghalaya, Manipur, Nagaland,” la ong.
Haba kylli la ka Congress kan pdiang biang lada wanphai u Dr Mukul bad Zenith Sangma sha ka Congress, u Saleng u la ong ba ma u un nym shah ban kin wan rung sha ka Congress.
“Ban shu kren khuid bad kren shai, ngim kwah ïa u Zenith ban wanphai biang bad ai ba kin sah ha jaka kaba ki don mynta,” la ong u Saleng.
U la ong ba ka kam kum ka kane, ka donkam ban shim rai hynrei ym lah ban shim hi marwei.
