Nongstoiñ, Jylliew 12
Namar ka jingïaid jong ki trok bad ki kali kiba kit palat ïa ka 9 ton ha ki surok bad ki jingkieng kiba don ha shi lynter jong ka Nongstoiñ-Mawthawpdah (Nongstoiñ-Wahkaji) ha ka Wah Kynshi, ka jingkieng Kynroh bad Risiang jong ka surok Nongstoiñ-Darugiri (Nongstoiñ-Maweit) ha Risiang, u District Magistrate ka West Khasi Hills, u Bah Garod L.S.N. Dykes, IAS u la pyntreikam da ka kyndon 144 CrPC.
Ha ka kyrwoh khubor ba la phah, u District Magistrate u la ong ba kine ki jingkieng bad surok ki la sdang sniew bad tor bad kan wanrah ruh ka jingmynsaw ïa ki briew kiba ïaid bad kumta u la pyntreikam da ka kyndon 144 CrPC kaba khang bad mana pyrshah ïa ka jingïaid jong ki kali ne trok kiba kit khia ha kitei ki jingkieng bad surok.
Shuh shuh u la ong ruh ba kino-kino kiba ïaleh pyrshah yn pynshitom katkum ka kyndon 188 jong ka Indian Penal Code, 1986.
U la ong ruh ba kane ka hukum kan treikam mardor tad haduh ynda pynbna da kumwei pat.
