Shillong, Jylliew 12
Ka Meghalaya Power Distribution Corporation Ltd (MePDCL) ka la pynmih ïa ka jingbthah ban weng lut ïa ki waïar cable kiba leit tawah ha ki nar ilektrik namar ka buh jingma ïa ka jingshngaiñ ban lait na kino-kino ki jingjia.
U CMD ka MeECL u Sanjay Goyal u la ong ba ka jingpynïaid ïa ki waïar cable da kaba pynsnoh lang ha ki nar ilektrik ka dei kaei-kaei ka bym shngaiñ.
Kumta u la ong ba ka MePDCL ka la dep ban ithuh ïa kane ka rukom pyntawah beaiñ ïa ki cable ha ki nar (post) ilektrik bad na ka bynta ka jingshngaiñ bad ban lait na kino-kino ki jingjia kiba jia ryngkhat, la bthah ban weng lut hapoh hynñiew sngi.
