Shillong, Jylliew 12
U Myntri Sorkar Pdeng, u Kiren Rijiju, uba dei peit ïa ka tnat Parliamentary Affairs, ha ka Sngi Balang u la pyntip ba ka Dorbar jong ka Lok Sabha kaba 18 kan sdang naduh ka 24 tarik Jylliew bad kan bteng haduh ka 3 tarik Naitung.
Ha kane ka Dorbar kan don ka jingbam smai jong baroh ki MP kiba dang shu dep shah jied sha ka Lok Sabha, ka jingjied ïa u Lamphang ka Lok Sabha, ka jingai jingkren na ka President ka Ri bad ka jingïatai halor ka jingkren jong ka.
Nalorkata, u la pyntip ba ka Dorbar kaba 264 jong ka Rajya Sabha kan sdang naduh ka 27 tarik Jylliew bad kan kut ha ka 3 tarik Naitung.
