Shillong, Jylliew 13
Ka Hynñiewtrep Youths’ Council (HYC) Sengkmie ha ka Sngi Palei ka la ïoh ban phah biang sa ïa kumba 3 ngut ki samla kiba la ngop ha u drok sha ka Alive Again Foundation, ka rehabilitation centre ne jaka ai jingsumar kaba don ha Assam.
Halor kane ka jingphah leit sumar, na ka liang u Secretary ka HYC u Bah Isaac W Basaiawmoit u la ong, naduh ka 2 tarik u Jymmang, 2024 ba la pynbna ïa ka thma pyrshah drok, ka seng khlem shongthait ka la leit sha kylleng ki jaka ym tang ban khynra ne thang ïa ki drok hadien ba la ïoh kurup na ki nongdie bad nongdih, hynrei ka la sneng la kraw bad la phah ruh ïa kine ki samla kiba la ngop bad kyrni ha u drok, sha ki rehabilitation centre hadien ba la mynjur bad ki bahaïing ki jong ki.
“Kane ka dei ka wat kaba phra, bad kumba 24 ngut ngi la dep ban phah shathie,” la ong u Bah Isaac bad u la pynpaw ka jingkmen ba ki paidbah ki la ai ka jingïatreilang bad ka seng khamtam kito ki longïing kiba la ïakynduh jingeh.
“Lada baroh ngi ïatreilang kan nym don jingeh satia ban pynduh jait ïa u drok hapoh ka nongbah Shillong,” u la ong.
Kane ka long katkum ka kyrwoh ba la phah da u Publicity Secretary ka seng u Bah Bashan Lyngdoh Mawnai.
