Shillong, Jylliew 14
Tang mar ïa kut ka ilekshon MP bad hadien ka jingshah kynnoh leh donbor ha ka jaka shah thngan ka longkmie na Umden, u SP ka East Khasi Hills district u Rituraj Ravi u la shah pynkynriah kam noh ha kaba u la hap ban shimti kum u Commandant ka 6th MLP Battalion, Umran ha Ri-Bhoi district.
U Ravi u la shimti kum u SP ka East Khasi Hills district shwa ka ilekshon MP ha ka jaka jong u Bah S Nongtnger. Ha kane ka jingpynkynriah kam ïa ki pulit ophisar, u Bah Nongtnger un shimti biang kum u SP ka East Khasi Hills district.
Kane ka jingwanrah biang ïa u Bah Nongtnger ka dei ka sien ka balai kum u SP ka East Khasi Hills namar shwa ka ilekshon MLA 2023 ruh u la shah pynkynriah kam shawei pat.
U Ravi u dei uwei na ki pulit ophisar uba kloi ban ai jingtip sha ki lad pathai khubor haba jia kino-kino ki jingjia bad u kloi ruh ban kren sha ki lad pathai khubor.
Da ka jingwanrah biang ïa u Bah Nongtnger ka jingkylli ka long, hato un bteng ban kiar na ki lad pathai khubor kumba u ju leh ha ki por kiba la dep?
